Isumat.com?4:02AM, May 13, 2020
Nag negatibo ha corona virus an ikaduha nga batch hin swab samples nga ginpailarum ha Confirmatory Test ha Eastern Visayas Regional Covid-19 Testing Center (EVRTC).
Dida han impormasyon nga ginpagawas han DOH-Region 8 kagab-i, 17 nga samples an nag negatibo han makamaratay nga virus.
Ini nga batch in tikang hin mga Suspected Cases ha Leyte (11), Maasin (5) ngan Tacloban (1).
Dida han Lunes, negatibo gihapon an gisasyahani nga Batch nga gin proseso han EVRTC kun diin ginkokomponer ini hin walo nga samples.
An EVRTC in nagtikang han ira operasyon hadin Mayo 11 ngan dara hini deri na igpapadara ha Cebu an mga samples han Region 8 para han confirmatory test.
Kakulop, umabot na an pending nga samples tikang ha Cebu ug negatibo ha corona virus an nasasalin nga 106 samples ngan waray na ginpapamulat nga resulta tikang ha Vicente Sotto Memorial Medical Center.
Nagpapabilin nga 20 ka tawo an nag positibo han corona virus ha Sinirangan Bisayas tobtob yana nga adlaw.# (KEVIN SIOSANA)
