TACLOBAN CITY- Padayon pa nga nagpapatambal ha hospital an usa nga empleyado han DORELCO mahuman ini nga pagpusilon samtang nga nagmamaneho han iya motor ha Barangay Solano, Tanauan, Leyte.
Sumala kan PCI Francisco Tupaz, hepe han Tanauan PNP nga guinkilala an biktima kan Angelito Ramilo, empleyado han DORELCO, 40 anyos an pangidaron, kasal ngan residente han Barangay Libertad, Palo, Leyte.
Guinkilala naman an suspek nga nag-ngangaran nga alyas “Dodong” ngan usa pa nga kaupod hini nga lalaki nga amyaw han biktima.
Dugang pa ni Tupaz nga personal nga kasinahon an hinungdan ha mao nga panmusil kun diin naigo hin bala an liog han biktima.
Samtang, nagpapadayon pa an imbestigasyon han mga kapulisan ha mao nga panhitabo mahuman nga nakakalagiw an mga suspek gamit an single motorsiklo.
