TACLOBAN CITY- Waray na makapalag ha mga otoridad an usa nga suspetsado mahuman ini tagaan hin search warrant ha Sitio Guinputngan Brgy.Pitogo. Barugo ,Leyte
An suspek nga naaresto in ginkilala kan Benjamin Geraldo Balais Jr, 36 anyos an pangidaron,may asawa, waray trabaho ngan miyembro han Espinosa Drug Group
Nakumpiska tikang ha suspek an usa ka calibre 45 nga pusil, 2 ka homemade improvised rifle nga waray serial number, 2 ka magazine hin kalibre 45 nga pusil, 34 ka bug os nga bala hin kalibre 45 , mga drug paraphernalia ngan sugad man 9500 nga cash.
Nakapaslak na an suspek ha CIDG Region VIII Custodial Facility ngan ginpapailarom ha mahugot nga imbestigasyon.
Samtang guin aandam naman an kaso nga igpapasaka ha suspek nga pagsupak han RA 10591
Gin issue an search warrant ni Judge Carlos Arguelles han RTC Branch 10 ha Abuyog, Leyte.
