Isumat.com/Mayo 26, 2021
Mahugot nga pinanhimuwa ni Emil Zosa nga nahidabi hiya hin ambush.
Hi Zosa nga retirado nga koronel han AFP, an nagpasamwak kakulop (Mayo 25) nga waray kamatooran an mga hurob-hurob nga nalalambigit hiya hin insidente hin panggama.
Ha notisya han The Calbayog Journal, nagsering hi Zosa nga hadto nga takna nga ginhurob-hurob nga may natabo nga ambush, kaupod niya an iya mga kasangkayan ngan mayda nira importante nga butang nga ginhihimangrawan. Waray liwat igsumat ni Zosa kun hain hiya nga lugar samtang nagsarang an hurob-hurob hadin nakalabay nga adlaw.
Hi Zosa in kilalado nga pulitiko ha Samar. Duha na ka beses nga dumalagan hiya ka-gobernador han probinsya kontra han pamilya Tan ngan hito nga iya pagkandidato naperde hiya.
Hi Mayor Gemma Zosa han Sta Margarita amo an misis ni Emil.
Hi Zosa in ka-alyado ha pulitika han namatay ngahi Mayor Ronaldo Aquino han Calbayog City.
Durante han paghay-ad han patay nga lawas ni Aquino, hi Zosa in nanawagan kan Presidente Duterte ug han iba nga sektor nga magburublig basi matagan hin hustisya an alkalde ngan humogpoy na an kasamok ngan panmatay ha Samar labi na ha syahan nga distrito han probinsya.
Nagtotoo hi Zosa nga kadam-an han insidente han panmatay ha Calbayog in may motibo-politikal. #
