Isumat.com/Agosto 27, 2022
Ginpaplanuhan yana han DSWD nga magkaada pa hin iba nga pamaagi an pagdistribuer han Educational Cash Assistance para han mga estudyante nga nag-aantos hin krisis.
Sumala kan DSWD Asst Secretary Rommel Lopez, nga ginkokonsiderar yana han DSWD an “offsite payment” han ayuda pinansyal. Sering niya nga magpaplastar hira hin klaro nga guidelines para han plano nga “house to house” nga panduhol han ayuda, ngan ini in hihimoon ha pakigbinuligay ha DILG.
Hi Lopez in nagsering nga ini nga ira pitad in kabatunan han mga estudyante nga waray access ha internet ngan waray cellphones.
Plano gihapon han DSWD nga magdugang pa hin mga pay-out center venues ha mga syudad ngan bungto basi magin masayon an panhatag.
Nagpasamwak gihapon an DSWD para ngadto han mga naka-register na pinaagi han On-Line, Link, QR Code pero waray pa text reply tikang ha DSWD. Nagsering an ahensya nga tinikangan hit Martes, Agosto 30, 2022, makakakarawat na hin reply an mga nakagregister.
Pero deri hira magkakadurungan pakakarawat hin reply kay ini in titikangan dida hiton Agosto 30 ngan ha masunod nga mga adlaw.
Bantayi an kadugangan nga mga pasamwak tikang ha DSWD. #
