Isumat.com/ Nobyembre 14, 2022
Unom ka tawo an nagkadadakop ngan duha nga drug den an napukan ha magkalain nga anti-illegal drugs operation ha Barugo, Leyte ngan Calbayog City hadin nag-agi nga mga adlaw.
Hadton gab-i han Nobyembre 12, 2022, an mga operatiba han PDEA-Regional Office ngan Barugo PNP Station in naghimo han operasyon ha Brgy Poblacion District 3, Barugo kun diin nadakop an mga suspetsado nga hira Nino Renato Badajos, Jerry Avestruz ngan usa nga menor de edad.
Narekupo tikang han mga suspetsado in walo ka sachet hin gin-aalegar nga shabu may timbang nga 13.5 gramos ngan nagkakantidad hin 91 Mil pesos.
Samtang, nabungkag gihapon in usa nga drug ha pagka-aresto hin tulo nga suspetsado ha Brgy Rawis, Calbayog City hadton Nobyembre 8, 2022.
Ginkilala an mga suspetsado nga hira Joseph Catalan, Jonas Catalan ngan Jovelyn Cuztro.
An mga otoridad in nakakuha hin tulo ka sachet hin shabu tikang han mga gintatahapan kun diin may timbang ini nga 11 gramos ngan balor nga 66 Mil pesos.
An mga suspetsado han duha nga insidente in nakapaslak na ha karsel ngan ginsampaan na han kaangayan nga mga kaso, labot la han menor de edad nga igintubyan ha DSWD para han kaangayan nga disposisyon. #
