Isumat.com/7:45AM, Enero 13, 2021
Lima ka tawo an nasikmit ngan dako nga kantidad hin iligal nga droga an nakumpiskar han masulod ngan mabungkag han mga otoridad in usa nga drug den ha Matalom, Leyte hadin nakalabay nga adlaw.
Dida han report han PDEA Regional Office, an mga suspetsado in ginkilala nga hira Ricardo Olita III, nga amo an gin-aalegar nga nagdudumara han drug den; ug an gintatahapan nga mga kustumer nga hira Peter Integro, Johnrey Castro, Geofrey Castro ngan Nielven Palomar.
An mga otoridad in nagdumara anay hin buy-bust ngan pakakumpirmar nira nga mayda gud man panmaligya hin droga dida han mao nga lugar, ira na ginsulong an drug den nga namumutang ha Brgy Cahagnaan.
Narekupo dida han lugar in 15 ka sachet hin gintotoohan nga shabu, may kabug-aton nga 37 gramos ngan mayda kantidad nga 257 Mil Pesos.
An mga suspetsado in iginpaslak ha Matalom Lock-up Facility ngan nakatalaan pag-atubang han mga kaso nga iginsampa kontra ha ira. #
