Isumat.com/9:26AM, August 28, 2020
Tumalikod ha kadayunan in usa nga Covid Suspect ha Naval, Biliran.
Dida han impormasyon tikang ha Probinsya han Biliran, an 49-anyos nga babaye in namatay dida han udto han Agosto 26 ngan komo pagsunod han patakaran, iginlubong dayon pagkagab-i hadto mismo nga petsa an patay nga lawas ha sementeryo publiko han bungto.
An nasabi nga pasyente in usa nga Locally Stranded Individual tikang ha Tacloban City ngan nag-uukoy ha Brgy Haguikhikan. Hadton Agosto 14, naka-uli hiya ha Naval tikang ha Tacloban ngan nag-kwarentina didto han facilidad han barangay.
An rason han kamatayon amo an Acute Respiratory Syndrome, Community Acquired Pneumonia, Chronic Kidney Disease ngan Hypertensive Cardiovascular Disease. Hiya in ginkonsiderar nga Covid-19 Suspect.
Bisan kun Covid Suspect la hiya, ginsunod an kamanduan han DILG nga an sugad hini nga kaso in kinahanglan iglubong ha sulod hin 24-oras tikang han kamatay.
An probinsya han Biliran in nagkaada na hin 74 nga kaso han Covid. #
,
