Isumat.com.8:20AM,April 29, 2020
Nag-andam na an Probinsya han Southern Leyte han ira Isolation Unit nga magagamit kun umabot an panahon nga manginahanglan hini nga facilidad.
Dida han nakalabay nga adlaw, pormal na nga gin-abrihan ini nga Isolation Facility kun diin namumutang ini han daan nga Provincial Hospital ha Brgy. Mantahan, Maasin City. Ini nga building in waray na gagamita kay nagbalhin na an Provincial Hospital han ira bag-o nga lokasyon ha gawas han city proper.
Ini nga Isolation Unit in pangandaman labi na gud han nakatalaan nga pag-abot han mga OFW nga mga residente han probinsya. An Southern Leyte Provincial Government in makikigsumpayan ha OWWA kun may mga OFW nga kinahanglan igpa-ilarum hin isolation.
Gagamiton gihapon ini nga facilidad ingkaso magkaada hin mga COVID Patients an lalawigan.
Subay han impormasyon, mayda 19 nga kwarto an hihimo-on nga isolation areas nga namumutang ha ikaduha nga andana han building. An first floor in para gud la han mga health workers nga magtitimangno han mga pasyente.
An pag-abri han facilidad in gintambungan nira Governor Damian Mercado, Provincial Health Officer Feliciano John Matibag ngan mga tinaglawas han probinsya ug han Department of Health. #
