Isumat.com/8:25AM, July 9, 2020
Bisan ano nga kabutangan ha kinabuhi, damo gud la gihapon an nagagad han iligal nga negosyo han droga. Pira pala ka adlaw an nakalabay, sunod-sunod nga nagkadadakop in konsehal hin bungto, konsehal ha barangay, vendor ngan iba pa nga nagbabaligya han illegal drugs.
Didto ha San Miguel, Leyte, nakwelyuhan han mga otoridad in usa nga empleyado han Municipal Trial Court dida han ginbuhat nga buy-bust operation han mga operatiba han PDEA.
An suspetsado in ginkilala ngahi Roy Labesig, 44 anyos, nag-uukoy ha Brgy Cayare. Hi Labesig in aada ha listahan han mga High Value Targets han PDEA.
An Poseur-Buyer han PDEA in nakapalit tikang han suspetsado hin gin-aalegar nga shabu may kabug-aton nga 12 gramos. Ini in nagkakantidad hin 81 Mil pesos.
Iginpaslak ha PDEA-Regional Office Detention Facility an suspetsado ngan nakatalaan umatubang han mga kaso nga igsasampa kontra ha iya. #
