Kahuman nga mag kaada hin local transmission han covid virus ha bungto han Lapaz, leyte sobra na 100 ka tawo an guin pa ilarom han contact tracing nga bangin na tapnan han virus.
Guin sumat ni La paz Mayor Angel Sia Jr. nga bisan ha luyo hini nga sitwasyon deri hira mag pa patuman hin lockdown kundi ipapa ilarom la an bungto han Enhanced Community Quarantine agud malikyan an pag sarang han covid haira munisipyo.
Ha interview haiya han isumat.com iya guin patapod ha mga lapaznon nga under control nira iton sitwasyon tungod nga aada haira isolation facility an bag-o nga mga nag positibo han virus samtang an usa naman hini in naka isolate ha Eastern Visayas Medical Center tungod nga taga Tacloban man ini.
Dida han na pulo nga nag positive han covid virus unom hini in mga nurse han Department of Health, usa an driver han munisipyo, ngan an usa amo an para dul-ong han pag kaon han mga naka quarantine ngan an duha pa in mga locally stranded individual nga tikang ha Manila.
Suma total mayda na 12 ka tawo an positibo han mao nga virus haira bungto Kay mayda naman hira nga daan duha nga kaso .
Mahitungod hini ira dudugangan an kapasidad han ira quarantine facility kumo pangandaman kon baga simbako mayda pa madugang nga mga kaso sumala pa kan Mayor Sia.
An munisipyo han Lapaz in mayda porlominos 18 Million nga pundo para han covid response nga unta dako nga porsyento hini in gagamiton para han relief operation pero mahitungod hini nga ira sitwasyon mag I iba an pag gastos hini nga pundo dugang pa ni Mayor Sia.
