Waray utang nga kaburot-on!
Ini an pahayag ni Leyte 2nd district congressman Serging Apostol han mahingadayan han local media an ira mga pangontra ha Politika ha bungto han Carigara kahuman nga ini mag file han iya certificate of candidacy ha provincial comelec office kakulop nga adlaw Octubre 15, 2015.
Sumala kan Apostol nga ira binuligan hi mayor Eduardo Ong nga mag daug ka konsehal haira partido kahuman kumontra pa haira han nag labay nga election.
Pinirde pag ka Mayor ni Ong an apo ni Apostol nga hi Tonette Apostol han nag labay nga 2013 election samtang hi Anlie Apostol naman nga yana Board member hiton 2nd district an ka kontra ni Ong pag ka Mayor hiton Carigara.
Sumala pa kan Apostol nga kon ingrato hi Mayor Boy Ong mas ingrato hi Carigara councilor Dennis Garay nga ira binuligan ha politika ha sulod hin 16 anyos tikang han paguin SK Chairman tubtub nga naguin konsehal han bungto.
Pero ha luyo hini hi Garay amo in bumulag ha ira agud suportaran an kandidatura han mga Ong.
Hi Apostol Kaupod an 10 han 14 nga mayor han segundo distrito ngan han iya asawa nga hi anay congresswoman Ebbie Apostol in nag file han iya COC para han iya ikatulo ka termino pagka congressman kahuman hiya nga bumalik pag kandidato han mao nga pwesto.
Na una na nga nag file han iya COC hi Henry Ong an manghud nga bugto ni Carigara Mayor Boy Ong ka congressman han 2nd district hadton adlaw han lunes.
Pamatii an pahayag ni Congressman Apostol.
