Jaro, Leyte – Ha ikatulo nga higayon nakakarawat hin award an bungto han Jaro, Leyte may kalabutan han maupay nga pag pa tuman han mga programa han gobyerno.
Pormal na nga guin award ni DILG-8 Regional Director Pedro A. Noval Jr. an Seal of Good Local Governance Award ha bungto han Jaro ha usa nga seremonya nga guin atinderan han mga local nga official han bungto ha pag pangulo ni Mayor Rolando T. Celebre ngan an mga miemro han Sanggunian Bayan sugad man han mga barangay officials, school administrators ngan iba pa nga mga opisyal han bungto.
“Ang award na ito ay isang pag papatunay na ang mga namumuno sa bayang ito ay hinde lang magagaling at matitino kundi sila ay mga tapat at marangal na mga lingkod Bayan”. ini an kaparte han mensahe ni DILG Director Noval han iya inspirational message.
“Ito ay ma ihahalintulad sa pagiging isang Summa Cum Laude sa pag tatapos sa kolehiyo dahilan sa ito ang pangatlong pag kakataon na ang inyong bayan ay naka tangap ng award mula sa DILG at sana maipag patuloy niyo ang pag kakaisa alang alang sa kapakanan ng inyong mamamayan” dugang pa ni Noval.
Ha mensahe naman ni Mayor Rolando Celebre, hiya in nag sering nga an award in para han ngatanan nga mga taga Jaro labi na an nga mga opisyales han bungto ma elected man o appointed mahitungod han ira bulig ngan pag suporta han iya mga programa.
An bungto han Jaro in recipient han Seal of Good Housekeeping hadton 2012 ngan 2013 sugad man han Seal of Good Financial Housekeeping han 2014 ngan yana nga tuig an pinaka dako nga award nga amo an Seal of Good Local Governance.
An pira han mga criteria nga guin basehan pag hatag han mao nga award amo an mga masunod: Good Financial Housekeeping labi na an pag patuman han Full Disclosure Policy, an pag kaada hin mga programa may kalubatan han Disater Preparedness, Social protection programs para hadton mga physically handicapped ngan an mga programa may kalabutan ha pan negosyo.
Labot la han pag instalar han Seal of Good Local Governance award ha municipal ground han bungto, guin tagan liwat hi Mayor Celebre han Medal of Good Local Governance durante han mao nga seremonya.
Mayda 3 Million Pesos nga premyo nga makakarawat an bungto han Jaro nga magtitikang han Performance Challenge fund nga gagamiton han bungto pag palit hin rescue vehicle ngan mga equipment.
An bungto han Jaro in usa han 5 la nga mga bungto nga nakakarawat han mao nga pasidungog nga amo an Carigara ngan Barugo ha Leyte, Limasawa ha Biliran ngan an Gandara ha Samar.
