Isumat.com/7:03PM, June 11, 2020
12 ka tawo an nahidugang han mga nagpositibo han corona virus ha Baybay City. Temprano pala yana nga gab-i, iginpasamwak ni Mayor Jose Carlos Cari ini nga notisya ha iya nasasakupan nga syudad.
Ini nga 12 ka tawo in lakip han sobra 50 nga mga na-stranded ha Cebu ngan nakabalik ha Baybay dida han Hunyo 8 ngan Hunyo 9.
Dara hini nga mga bag-o nga kaso, mayda na yana 20 katawo an nagpositibo tikang ha Baybay City. Hira ngatanan in aadto ha mga Isolation Units han syudad.
Ha deri pala maiha, an EVRTC in nagpagawas hin resulta para hin 184 nga swab samples tikang hin magkalainlain nga lugar ha Region 8.
Tobtob nga ginsusurat ini nga balita, waray pa mga pahayag an iba nga LGU ug waray pa gihapon official advisory an DOH Regional Office. # (KEVIN SIOSANA)
