San-o manguli an siyahan nga batch han mga taga leyte nga nag “balik probinsiya” pinanagan ini hin mga liso hin mga utanon nga itaranum han Department of Agriculture, food packs tikang ha DSWD ngan 5,000 pesos nga ira allowance.
Ini an guin sumat ni Mark wilfed Dula nga taga bungto han Jaro nga usa han ma sobra usa ka gatos nga mga taga leyte nga nag kaabot hadton Mayo 21 han gab-i sakay han mga Bus ngan guin arkila han Department of Transportation.
Nawarayan hiya trabaho ha Manila kumo usa nga call center agent kahuman nga magsara an kompanya nga iya guin tratra – bahoan han ipatuman an Enhanced Community Quarantine ha luzon mahitungod han covid virus hinungdan nga hiya in nag desisyon nga umuli nala ha leyte kay mayda man ihahatag nga bulig haira an gobyerno.
Sumala pa haiya nga san-o hira manguli hira in guin pakianhan kon ano nga trabaho o pakabuhi an iya karuyag haira pag balik ha Leyte ngan iya guin sumat an iya plano hin pag tindog hin sari-sari store o deri ngani gutiay nga piggery para maka bulig han iya pamilya
Ha pag kayana an ngatanan nga mga nag balik probinsiya ha Leyte in guin pailarom ha 14 days quarantine haira tagsa tagsa nga mga bungto samtang nga nag huhulat han resulta ha ira swab test para han covid.
Kon hira in mag negative han covid virus, titikangan na han gobyerno an proseso han pag hatag hin ayuda haira sumala han DSWD.
