Yana nga aada nala ha General Quarantine an siyudad han Tacloban deri na ini man hahatag hin mga relief goods ha mga tawo nga nag uukoy ha siyudad.
Ini an guin sumat ni Tacloban City Mayor Alfred Romualdez ha interview haiya han RMN Taclobann
Sumala kan Mayor Romualdez nga mahitungod nga guin tugotan naman an haros ngatanan nga mga negosyo nga bumalik na ha ira mga operasyon na ngangaruyag sidngon nga nakabalik na liwat an an mga tawo han ira mga trabaho sanglit deri na kinahanglan nga tagan pa hin ayuda han siyudad.
Parti naman han mga pinanagan hin coupon para han mga relief goods pero waray pa pag paka karawat tubtub yana, nag sering hi Mayor Romualdez nga iya na guin manduhan an City Disaster Risk Reduction an Management office ngan han City Social Welfare and Development Office nga ipan hatag na ini ha kadagmitan nga panahon kay mayda naman hini budget.
Guin sumat pa ni Romualdez nga an pundo han siyudad para han covid response in damo an pag gagamitan usa la dinhe an pan hatag hin relief goods.
