Isumat.com/ Nobyembre 30, 2022.
Naghakot hin kadam-an nga mga medalya an Advocacy for the Strengthening of Karatedo (ASK-Tacloban) dida han katatapos pala nga 18th Philippine Karatedo Tradition & Sports (PKTS) Championships ha Robinsons Place, Pasig City.
An delegasyon nga ginpangunahan ni Hanshi Bimbo Franco, in nakagkolekta hin 8 golds, 4 silver ngan 5 bronze medals.
An SSKI-JKS Tagbilaran Bohol an nagin kampeon pinaagi hin 9 golds, 9 silver ngan 11 bronze medals.
Para han Team Tacloban, hi JV Francisco in nakadaog hin tulo nga gold medals, samtang hin Dave Tingzon in mayda duha nga gold ngan 1 silver.
Ha luyo nga bahin, hi Emelou Palo in nakabitbit hin duha nga gold ngan usa nga bronze; samtang hi Mary Grace Vilmala in nakahikay hin 1 gold, 1 silver ngan 1 bronze.
Hi Cherrelyn Patilla in naka-angkon hin 1 silver ngan 1 bronze; Marriane Refuerzo – 1 silver; Nina Brilliant Bagin – 2 bronze; ngan Rhian Refuerzo – 1 bronze medal.
Ini nga torneo in gin-apihan hin 28 nga mga karatedo organizations ha bug-os nga Pilipinas.
