Nagtitikadamo la an mga prominente ngan higtaas nga opisyal han gobyerno nga natapnan han COVID-19. Pira pa la ka oras an nag-agi, iginsumat ni Defense Secretary Delfin Lorenzana nga positibo han virus hi Lt. General Felimon Santos Jr, an hepe han pwersa armada han Pilipinas.
Sumala kan Lorenzana, hi Santos mismo an nagpasabot hini ha iya katapos la masabtan han heneral kakulop nga positibo hiya han virus.
Hi Santos in magpapailrum hin 14-day quarantine, samtang hi Lorenzana in amo gihapon an bubuhaton kay nagka-upod hira ug han general hin duha ka beses han nag-agi nga semana. Nagsering naman hi Lorenzana nga hiya ug hi Santos in aada ha maupay nga kahimtang an panlawas.
Labot la ha ira, nagposiitibo gihapon han kagaw hira senador Migz Zubiri, Sonny Angara ngan Koko Pimentel. Hi Pimentel in sentro yana hin mga pagsukna ngan posible kasuhan dara han gin-aalegar pagtalapas niya han mga aludayday kasumpay han quarantine.
Positibo gihapon han COVID-19 hira ACT-CIS Party List Rep. Eric Yap, Bulacan Congressman Henry Villarica, ngan Rizal Governor Nini Ynares. #
(Posted 2:25 PM, March 27, 2020)
