Positibo ha COVID-19 an Filipina actress nga hi Izza Calzado. Ini an iginpahayag ni Noel Ferrer, an iya manager.
Sumala kan Ferrer, nakarawat ni Calzado an resulta han testing nga positibo hiya han virus kakulop, Marso 27. An aktres in pira na ka adlaw nga na confine ha hospital dara hin pnuemonia pero kakulop pala gumawas an resulta han testing nga COVID positive hiya.
Nagpahayag pa hi Ferrer nga nagtitika-upay an panlawas ni Calzado ha hospital ngan nakakaginhawa hiya yana bisan waray na oxygen assistance. Sumala pa han report, magpapa testing utro an aktres kun negatibo na hiya ha virus. An iya mister ug an iba pa nga tawo nga iya iginka-upod-upod in waray iginpapakita nga sintomas han sakit hapagkayana.
Nagpahayag pa hi Ferrer nga deri segurado hi Calzado kun diin ngan kakan-o hiya natapnan han kagaw. #
(Posted 7:02 PM, March 28, 2020)
