Mag dudugang hin mga empleyado iton Eastern Visayas Regional Medical Medical Center ( EVRMC) ha panahon nga magin balaud na an balaudnon nga na nunuyo nga dugangan an “authorized bed capacity” han mao nga hospital tikang ha 500 ngadto ha 1,500.
Sumala kan Atty. Rodolfo Penalosa an Media Relations Officer han EVRMC ha interview haiya han 99.1 RMN Tacloban ha programa nga “Asenso Rehiyon Ko” ni Eduard Sanagan , nga porlo minos ma kinahanglan hin 1,700 nga mga bag-o nga empleyado an EVRMC nga mag lalakip hin mga Doctor, Nurses ug iba pa nga mga health care professionals ngan admintrrative staff tungod han pag damo liwat han mga pasyente nga pag seserbisyohan han hini.
Ha pagka yana an porlo minos 1,500 nga mga empleyado an EVRMC ini in magigin 3,300 ngan an 500 nga bed capacity in magigin 1,500 na kon magin balaud na an House Bill 1154 nga gin aprobaran pala ha second reading han kongreso san-o nag tapos an 18th congress.
Ha ilarom han mao nga balaudnon, tatagan hin kadugangan nga pundo an hospital para hin mga bag-o nga medical facilities ngan mga medical equipment lakip na in bag-o nga mga building labot la han pag dugang hin mga empleyado. Babag-uhon na liwat an ngaran hini ngadto ha Eastern Visayas Medical Center o EVMC.
An principal author han mao nga balaudnon amo hira Congresswoman Yedda Romualdez han TINGOG Party List ngan han asawa hini nga hi Leyte First District Congressman ngan house Majority Floor Leader Ferdinand Martin Romualdez.
Pamati han interview kan Atty. Penalosa
