Isumat.com/Hunyo 3, 2021
Nadakop han mga otoridad in siyam nga suspetsado ngan narekupo in mga pusil, bala ngan iligal nga droga dida hin magkalainlain nga operasyon ha Calbayog City han maagahon han Hunyo 2, 2021.
An mga operatiba han PNP ngan PDEA an nagdumara han mga operasyon pinaagi hin search warrants ngan buy-bust nga nagresulta han pagkasisikmit han mga gintatahapan.
Ginkilala an mga na-aresto nga hira Ryan Pacayra, Primitibo Pacayra ngan Edgar Doinog, ngatanan residente han Brgy Migara.
Ha luyo nga bahin, nakwelyuhan naman ha Brgy Hamorawon hira Aljon Bacsal, Carlito Magbutay, Ramil Magbutay, Marvin Magbutay ngan Erika Casaljay. Nakahimo naman hin paka-ikyas hira Ricky Pacayra ngan Carlito Magbutay, nag-uukoy ha Migara.
Narekupo tikang ha mga suspetsado in magkalainlain nga kalibre hin riple ngan pistola, granada, mga bala ngan gintotoohan nga shabu.
AAda yana ha kustudiya han PNP an mga suspetsado ngan nakatalaan sampaan han kaangayan nga mga kaso. #
