Isumat.com/8:05PM, June 11, 2020
14 ka tawo an nahidugang dida han nagtitikahalaba nga lista han mga taga Eastern Visayas nga natapnan han corona virus.
Subay han pahayag han DOH Regional Office yana nga gab-i, ini nga bag-o nga mga kaso in tikang ha Baybay City, Tacloban City, ngan Bontoc, Southern Leyte.
12 an taga Baybay, 1 ha Tacloban ngan 1 ha Bontoc an mga nagpositibo nga mga tawo. Ha kabug-usan an Baybay in mayda na 20 nga kaso; ika-tulo naman ini ha Tacloban; ngan syahan ini para han bungto han Bontoc.
Ini nga mga 14 katawo an nagpositibo dida han 185 nga swab samples nga ginproseso han EVRTC.
An rehiyon in mayda na 90 ka tawo nga natapnan han virus. Ha luyo nga bahin, mayda 1,665 katawo an Suspected Cases hapagkayana ha Eastern Visayas. #(KEVIN SIOSANA)
