Isumat.com/7:46PM, May 18, 2020
Nagpagawas hin resulta ha deri pala maiha an Eastern Visayas Covid Testing Center ug ini in ngatanan negatibo ha corona virus.
91 nga swab samples ini nga batch ug talwas ini ngatanan han makamaratay nga kagaw.
Dida hini nga batch, 74 an tikang ha Tarangnan, 7 tikang ha MCArthur, Leyte, tulo tikang ha Southern Leyte, duha an tikang ha EVRMC, duha tikang ha Leyte Provincial Hospital ngan tag-urusa ha Schistosomiasis Hospital, Tacloban ngan Lapaz, Leyte.
Nagpapabilin naman nga 26 ka tawo an nag positibo han virus ha aton rehiyon kun diin 11 na an naka-recover.
Igin report gihapon han DOH-Region 8 nga yana nga adlaw, Mayo 18, mayda 1,453 nga Suspected Cases ha bug-os nga rehiyon. 93 ha ira in naka-admit ha magkalainlain nga hospital ngan naka Home Isolation an 1,342. # (KEVIN SIOSANA)
