TACLOBAN CITY – Dead on the spot an duha nga mga lalaki mahuman nga mag bungguay an duha nga motorsiklo ha Brgy Bagte, Quinapondan, ESamar, Hadton Agosto 27.
Gin kilala an mga namatay nga hira Pablo Capate, ada ha sakto nga pangidaron ngan residente han Brgy Tinampo, Palapag, Northern Samar ngan Ronnel Samuray, residente han Brgy 05, Giporlos E. Samar.
Subay han impormasyon han Kapulisan han Eastern Samar PNP nga gin mamanehuan an vehicle 1 ni Capate samtang an vehicle 2 naman in gin mamanehuan ni Samuray.
Nabaruan nga tikadto ha direksyon han Northern Samar an V1 samtang pa tacloban naman an V2.
Nabaruan nga tigda nga sumimang an motorsiklo nga ginmamanehuan ni Samuray rasun han pagbungguay hini.
Labot han duha nga namatay in samaran naman an backrider han V1 nga hi Cesar Bolanio Mabansag, 36 anyos, residente han Brgy Rawis, Hinabangan, Samar mahuman nga makag-angkun ini hin grabe nga samad ha lawas.
Padayun naman ini nga gin tatambal ha Hospital.
