police logoTACLOBAN CITY – Priso na  anay sundalo mahuman ini nga maaresto ha  gin dumara nga operasyon han Arteche PNP  ha Samar.

Gin kilala an suspek kan Noli Bibos, 47 anyos, residente han Brgy. Lipata Marabut, Samar.

Ha pakig himangraw han isumat.com kay PSI Gwen Alison Coregidor, hepe han Arteche Police Station, nga an akusado in may standing warrant of arrest ha kaso nga attempted rape ngan frustrated murder nga kun diin usa  nga menor edad an  biktima hini.

Nabaruan nga nakainom daw an suspek rason nga nabuhat nea an mao nga krimen.

An mao nga warrant of arrest in gin issue ni Judge Juliana Adalim White han Regional Trial Court Branch 5 han Oras Eastern, Samar dida pa han tuig 2015.

Ha pagkayana in maagpapabilin ha Arteche PNP an kustodiya han suspek samtang ginhuhulat pa an iya commitment order tikang korte.