TACLOBAN CITY – Guin lalamayan na ha pagkay ana an patay nga lawas han Tulo dida han Upat nga mga Sundalo nga tikang ha Eastern Visayas nga namatay ha usa nga engkwentro ha butngan han mga tropa han gobyerno ngan han Maute Group ha Marawi City. 
Sumala kan Lt Col Cherry Junia, Taga pagyakan han 8th Infantry Division nga naka base ha Samar, nga usa nga Arrival Honors an ginhatag han Militar ha tulo ha upat nga fallen heroes han 63rd Infantry Battalion, nga hira Pfc Mark Anthony E. Moratal, nga taga Barangay Cajagwayan, San Policarpo, Eastern, Samar ngan Pfc John Joseph L. Lara han Barangay Nato, Taft, Eastern Samar.
Gin tagaan gihgapon hin hitaas nga pagkilala an mao nga mga Sundalo nga naki pag away han mga Terrorista nga Maute.
An mao nga Seremonya in guin tambungan hin hataas nga Opisyal han Militar ngan mga enlisted personnel, mga Kaparyente ngan pamilya han pag abot hini ha DZR Airport, San Jose, Tacloban City.
Naghatag naman hin dayun nga bulig pinansyal an Militar han mga asawa han mga sundalo ha ginbuhat nga send-off ceremony dida han July 24, 2017 ha Headquarters han 8ID, ugsa paman nga ighatod ha ira lugar an mga namatay.
Samtang an patay nga lawas han usa pa nga sundalo nga namatay in waray pa ka kukuha mahitungod han padayon nga pinusilay ha mga sundalo ngan mga terorista nga grupo.
