TACLOBAN CITY – Samaran an duha nga Kapulisan mahuman nga tambangan an ira ginsasakyan nga Police car ha parte han Baranggay Jia-an, jiabong, Samar alas 12:10 kanina han udto.
Ginkilala an mga biktima nga hira P01 Roan Ralph Sabanal y Jangad, 31 anyos, may asawa, residente han Brgy. Dalakit ngan PO1 John Cervantes y Somoray, 27 years old, residente han Brgy. Calachuchi, pareho mga taga Catarman, Northern Samar.
Sumala kan PSSUPT Nicolas Torre III, Hepe han Samar Police Provincial Office (SPPO) nga subay ha ira inisyal nga imbestigasyon nga tikang ha Northern Samar an mga ini ngan tipakadto unta ha buhatan han PDEA ha syudad han Tacloban agud nga magsumite hin mga drug evidences han tigda la nga ginpabuthan an ira ginsasakyan.
Mahuman nga pabuthan in ginparat-ratan naman ini hin porlominos lima nga gintutuuhan nga Rebelde nga grupo.
Nakag-angkun hin samad ha magkadurudilain nga parte nga lawas an duha nga kun diin gindalagan naman ha Samar Provincial Hospital.
Nakuha ha crime scene an Improvised Explosive Device (IED).
Ha pagka yana in diri pa matudlok kun hin-o an responsable ha mao nga insidente.
