kaparte han audit findings han DOH Central Office. isumat.com
kaparte han audit findings han DOH Central Office. isumat.com

Tacloban City – 13 Million Pesos nga Pundo nga para unta han mga pobre nga mga pasyente han Eastern Visayas Regional Medical Center pinan hatag kumo incentive ha mga empleyado han Hospital ha ilarom han Program on Awards and Incentives for Service Excellence o (PRAISE).

An 5 Million pesos hini in guin palit hin mga gift cerificate ha Robinsons samtang an 8 Million in cash ngan pinan hatag ha mga rank and file ngan mga opisyales han hospital.

Ini in subay han resulta han guin dumara nga audit han Department Of Health (DOH) Central Office han mga financial transactions han EVRMC han 2014 ngan 2015 ha ilarom han pag dumara ni Dr. Aileen R.Espina kumo Chief of Hospital.

Subay han audit findings, guin violate han mga opisyales han hospital an mga patakaran han pag gastos han kuarta han gobyerno labi na an pundo han Medical Health Care Assistance Program (MHCAP).

Waray liwat mag sunod han eksakto nga proseso an hospital Management ha pag patuman han PRAISE nga programa han gobyerno nga gamit an pundo han MCAP.

Sumala pa han impormasyon nga nahikay han isumat.com nga an nakarawat han kada empleyado in Gift Certificate nga na kantidad hin 10,000 pesos ngan cash incentive liwat nga 15,000 pesos or a total of 25,000 pesos.

Mahitungod hini posible nga umatubang hin kaso nga pangurakot an mga nahidadabi nga mga opisyal han mao nga hospital. isumat.com

doh-audit-findings2