Carigara Leyte – Pinapa aresto han korte hi Leyte 2nd District Board Member Anlie Apostol mahitungod han kaso nga pag patay.
Waray guin rekomenda nga piyansa dida han warrant of arrest nga guin palusad ni Judge Emelinda Maquilan han Regional Trial Court Branch 13 han Carigara Leyte kontra kan Aposto ngan han iba pa nga mga akusado nga petsado June 7, 2012.
Guin papa aresto gihapon an tulo pa nga mga akusado han mao nga kaso nga hira Vilma Pascual Obaob, Alfredo “Pidong” Obaob nga puro mga taga Carigara Leyte ngan Emmanuel “Jojo” Santos han Burauen Leyte.
Hi Apostol ngan han tulo pa nga iba in akusado han pag patay kan Dennis Mesias anay empleyado han gasolinahan nga guin tatag iyahan ni Apostol mahitungod hin alegasyon hin pangawat hin diesel.
Guin tudlok hi Anlie Apostol ngan hi Vilma Obaob han guardiya mismo han gasolinahan nga hi Alexander Tremedal ngan anay bodyguard ni Apostol nga amo an may kalabutan han pag patay kan Dennis Mesias.
Guin Kumpirma han Abogado ni Apostol nga hi Atty. Leo Giron an iguin pagawas nga warrant of arrest han korte pero waray ini mag hatag hin official statement parte han latest development han mao nga kaso. isumat.com
