Isumat.com/3:04PM, May 8, 2020
Nag negatibo ha corona virus in 60 nga swab samples tikang ha Eastern Visayas dida han gindumara nga confirmatory test ha Vicente Sotto Memorial Medical Center ha Cebu.
Ini an nagin pasamwak han DOH-Regional Office dida han press conference alas 2:30 yana nga kulop (Mayo 8). Nagpahayag an ahensya nga 59 hini an tikang han Batch 15 ug usa tikang han Batch 13.
54 hini in tikang han mga tawo nga iginkahibalag han mga nag positibo ha Tarangnan, Samar, samtang an 6 an didto naman hin mga suspected cases ha magkalainlain nga hospital ha rehiyon.
Hapagkayana, mayda pa 554 nga samples an nahipadara ha Cebu ngan ginpapamulat pa an resulta. Nagpapabilin nga 14 ka tawo an nagpositibo han COVID-19 ha Sinirangan Bisayas.
Iginreport gihapon han DOH nga case closed na an contact tracing han mga tawo nga ginka-urusa han duha nga COVID Positive ha Burauen, Leyte. Ini in dara kay ngatanan han mga nagin close contacts han duha ka tawo amo in ngatanan nag negatibo ha confirmatory test.
Pero ginklaro han DOH nga magpapadayon la gihapon an monitoring han mga residente ha Burauen labi na didto han barangay nga gin-uukyan han Positive Cases. # (KEVIN SIOSANA)
