Isumat.com/Hulyo 12, 2023
Kun waray kadiskubre ngan waray mahisang-ot ha fish cage, posible nga peligro ha kinabuhi an igdudurot han bu-aya nga nadakpan ha Quinbapondan, E. Samar hadin Hulyo 9, 2023.
Ha impormasyon nga nahikay han IsumatNews, an parupangisda nga hi Alfred Abejo an nakatara han bu-aya ha sulod han fish cage pasado alas 7 han aga ha Brgy Palactad han mao nga bungto.
Hi Abejo ug an iba pa nga parungisda an nagburublig paghigot han lawas ngan baba han bu-aya nga may kahilab-on nga 1.3 metros ngan kabug-aton nga 50 kilos.
Kataliwan hini, ira iginpahibaro ha munsipyo an ira nadiskubre nga bu-aya. Kadagmitan naman nga ginpanginano ini han Municipal Environment and Resources Office ngan igintubyan ha Regional Office han DENR para han kaangayan nga disposisyon.
Iginpahayag han LGU-Quinapondan nga ini an gisasyahani nga higayon nga may natad-an nga bu-aya ha ira munisipalidad. #
