Isumat.com/8:40AM, June 11, 2020
Nagpapadayon an panmiling han mga otoridad han ighinreport nga nawawara nga upat nga mangirisda ha bungto han Silago, Southern Leyte.
An mga missing persons in ginkilala nga hira Danny Manto, 48 anyos ngan Ernesto Lucero, 60 anyos. Hira ngaduha in residente han Brgy Tubaon. An duha pa nga iba in ginkilala la ngahira Nestor ngan Dino nga taga Brgy Imelda.
Nagpahayag an SIlago PNP Station nga pasado alas 10 han aga kakulop, iginsumat han mga paryente han mangirisda ngadto han mga otoridad nga ira na gin-iiliw ini nga katawhan. Hinsabutan nga hadin Hunyo 9 pa nagpa-ilawod an grupo basi mangisda.
Didto hira lumakat ha Brgy Tubaon ug an ginsasakyan nira nga pumpboat in may kolor nga yellow ngan may nakasurat nga “LUCERO HINAMPAS.”
Tobtob han ginsusurat ini nga balita, waray pa hitatad-i han search and rescue unit an nasabi nga mangirisda. # (KEVIN SIOSANA)
