20271772_1455599897818864_1888137299_n

TACLOBAN CITY – Maabot 4 nga mga indibidwal an nadakop han mga otoridad ha ira ginbuhat nga drug buy-bust operation ha usa nga drug den ha Paseo de Legaspi, siyudad han Tacloban.

Sumala kan PSI Jessica Ortega, tagapagyakan han Tacloban City Police Office (TCPO) gintatag-iyahan an mao nga drug den han usa nga Rex Lacanaria

Samtang lakip ha mga nadakop an live-in partner ni Lacanaria nga hi Marilyn Nicodemus, 24 anyos an pangidaron, Jayson Valle, 31
anyos an panidaron ngan Mario Herrera, 30anyos an pangidaron.

Nakuha ha drug den an naabot 11 ka sachet nga gintutuuhan nga Shabu.

Nabaruan nga dati nga surrenderee hin oplan tokhang an mao nga mga Suspek.

Nagtutuo an Tacloban City Police Office (TCPO) nga mas damo pa an napakadto nga katawhan kun waray madiskubrihi han mga otoridad an mao nga drug den.

Sumala kan PSI Ortega, nga an mao nga pitad in kaparte han ira mahugot nga kampanya ala kontra ha illegal nga droga kaupod an Philippine Drug Enforcement Agency (PDEA) Regional Office 8.

Samtang, nagpapabilin pa an mga suspek ha TCPO Custodial Facility ngan naatubang na ha kangayan nga kaso.