Isumat.com/Agosto 11, 2022
Ginlulukupan yana hin kabido an kalibutan han paugnat ha kusog tungod han kamatay ni Lydia De Vega-Mercado, an ginkonsiderar nga Asia’s Fastest Woman hadton Dekada 80. Hiya in 57 anyos.
Kakulop, Agosto 10, 2022, iginpasamwak han iya pamilya an pagtalikod ha kadayunan han sports icon katapos hin upat ka tuig nga pakigbisog kontra han sakit nga breast cancer.
Hi Mercado in binawi-an han kinabuhi ha Makati Medical Center.
An sports legend in ginkokonsiderar nga usa han mga banggiitan nga atleta ha kasaysayan han sports ha Pilipinas.
Nakadaog hiya hin 15 nga gold medals ha mga international competitions, lakip na denhi an siyam nga bulawan ha SouthEast Asian Games, duha nga gold ha Asian Athletics Championships, ngan duha pa nga gold ha Asian Games.
An iya paborito nga mga events amo an 100M ngan 200M Dash, pero umapi gihapon hiya ha 400M ngan Long Jump.
An taga Meycauayan, Bulacan nga hi Mercado in duha ka beses nga nagmulay para han Pilipinas ha 1984 ngan 1988 Olympics.
Nagserbe gihapon hiya nga konsehal han iya bungto hadton dekada 90. Kataliwan han iya kinabuhi ha pulitika, nagin coach hiya hin pribado nga mga eskwelahan ha Singapore.
An iya mister amo Paul Mercado ug tulo an ira mga anak. An puto nga anak in namatay hadton 2001 ha car accident.# ( Photos courtesy of spin.ph)
