Isumat.com/7:35AM,July 4, 2020
Waray maka-ikyas in usa nga Municipal Councilor han arestuhon hiya han mga tinubyanan han balaud dida han gindumara nga buy-bust operation.
Ginkilala an nadako nga suspetsado nga hi Ceasar Bergula, 52 anyos, may asawa, ngan konsehal han bungto han Babatngon, Leyte.
Pasado alas 7 han aga Hulyo 3, nasikmit han mga operatiba han PNP Leyte Provincial Office, Babatngon PNP ngan PDEA hi Bergula nga ginkokonsiderar nga High Value Target. Nakumpiskar tikang ha iya in unom ka pakete hin gin-aalegar nga droga nagkakantidad hin 240 mil pesos.
Iginpaslak na ha karsel an suspetsado ngan nakatalaan umatubang han mga kaso nga igsasampa kontra ha iya. #
