(Image by The Alternative Daily)

Isumat.com/Nobyembre 25, 2021

Iginpakita ha facebook hin usa nga estudyante ha Naval, Biliran an iya pagpakamatay kakulop, Nobyembre 24, 2021 didto hin hospital han nasabi nga bungto.

Dida han inisyal nga report han Naval Police Office, an biktima in 26 anyos, na-eskwela ha usa nga unibersidad ngan residente ha Brgy P.I. Garcia ha Naval.

Katapusan nga nakit-an nga buhi an biktima pasado alas-dos han kulop. Hiya in nakadto han nasabi nga hospital kay nagbabantay hin pasyente.

Mayda nakakakilala han biktima nga nakakita dida han “facebook live” kun diin sumulod an biktima ha comfort room han hospital ngan naghikog. Dida han imbestigasyon, sintas hin sapatos an gingamit han biktima paghigot han iya liog ngadto han kisame.

An nakakita ha facebook in kadagmitan pumakadto han hospital basi sumatan an mga personales. Ira dayon ginkadto an kwarto, pero waray ma-abrihi an porta han kasilyas. Nangaro pa hira hin bulig han iba nga personales basi pwersahon an pag-abri han kasilyas.

Pero, natad-an nala nira nga nabitay na an lawas han biktima ngan igindeklarar nga patay na alas 3:20 han kulop.

Hinsabutan nga an biktima in mahilom an iya pamatasan.

Tobtob han ginsusurat ini nga notisya, waray pa impormasyon kun ano an rason han pag-suicide han biktima.#