Para kan Tacloban City Vice Mayor Sambo Yaokasin, Maupay nga pitad an pag issue hin cease and desist order ha mga operator han mga pribado nga transport terminal nga nag o-operate ha siyudad han Tacloban.
Sumala pa kan Yaokasin nga matatagan hin higayon an mga opisyal han siyudad nga ma panginano kon ano iton maupay nga solusyon han mao nga problema nga maiha na nga waray katatagi hin atensyon han siyudad.
iya guin sumat nga sumala han mga impormasyon nga naka dangat haiya opisina, nga an mga taga City licensing pa mismo an nag tutut-do ha mga terminal operator nga booking office la an gamiton haira business permit application agud deri na hira umaro hin franchise ha Sanggunian Panglungsod hinungdan han pag damo han mga terminal ha siyudad han Tacloban.
An City licensing office in nag issue hin cease and desist order ha mga operator hin terminal mahitungod nga waray an mga ini franchise tikang ha sanggunian nga amo an guin mamando han ordinansa.
Pamati han interview han isumat.com kan Vice Mayor Sambo Yaokasin.
