TACLOBAN CITY — Manilampuson nga nadakop han mga kapulisan ha ginbuhat nga manhunt operation ha Brgy Kansanok, Kawayan, Biliran an Number 4 most wanted person han probinsya.
Ginkilala an suspek nga hi Noel Yupac Calimbo, 37 anyos an pangidaron ngan residente han Brgy Poblacion Del Sur, Villaba, Leyte.
Hi Calimbo in may kaso nga robbery with homicide nga waray gin rekomenda nga piyansa.
Nadakop an mao nga suspek pinaagi han Warrant of Arrest ha ilarom han CC No. R-PAL-13-1901CR nga igin siyu ni Hon Mario O Quinit presiding Judge of RTC 8, Branch 17, Palompon, Leyte.
