Tutogutan na nga sumulod ha siyudad han Tacloban an mga pan publiko nga mga sarakyan yana nga aada na la ha General Community Quarantine an siyudad.
Ini an gin sumat ni Ronnie Cornico an nag mamangulo han TOMECO han interview han isumat.com
Pero trienta porsyento la anay han mga pampasahero nga mga sarakyan an tutugutan nga maka biyahe ha Tacloban ngan kinahanglan nga kumuha anay hin special permit tikang ha Land Transportation Franchising and Regulatory Board (LTFRB).
Mga van for hire ngan mga Bus la anay an pwede bumiyahe ngan mahugot nga ipapatuman an social distancing ha sulod han sarakyan ngan katunga la an pwede ma isakay nga mga pasahero sumala pa kan Cornico.
An mga sakay han mga panpahero nga mga sarakyan in kinahanglan nga mag presentar hin mga dokumento sugad han quarantine pass ngan an medical certificate nga mag susumat nga deri PUI o kon PUM an usa nga tawo.
Sisitahon ha mga checkpoints pag sulod ngan pag gawas ha Tacloban an deri masunod hini nga patakaran ngan an mga matalapas in kakasohan han mga otoridad.
