Gin tutuohan nga nag pakamatay in usa nga public school teacher nga positibo han covid virus kahuman nga ini in uminom hin zonrox. Ini in sumala han gin dumara nga imbestigasyon han Tacloban PNP nga nag responde han mao nga insidente.
An biktima in gin kilala nga usa nga maestra han Tacloban City Division, 54 years old waray asawa ngan residente han Barangay 109-A V-G Subdivision han siyudad han Tacloban.
sumala han bugto nga lalaki han bitima nga iya nala nakita an iya bugto mga pasado alas singko han aga Hunyo 10, 2021 nga nakada na han salog han ira kusina nga nag bubura an baba ngan sapit hini in duha nga plastic hin zonrox nga an usa in waray na sulod.
Kadagmitan nga ini in gin dara ha ACE Medical Center han mga nag responde nga miemro han Tacloban Rescue Unit (TACRU) kundi ini in gin deklara nga patay na han pag abot han mao nga hospital.
Ha interview kan Barangay Chairman Rody Padillo han mao nga Barangay iya gin kumpirma nga listado nga covid positive an biktima ngan nagawas nga natapnan niya an iya tulo nga mga kabug-tuan ngan mga anak han iya usa nga bugto hinungdan nga amo ini an posible nga rason han iya pag pakamatay.
Sumala pa kan Chairman Padillo nga pagka alas diyes han aga han pareho nga adlaw namatay liwat an bugto nga babaye han biktima nga naka confine ha ACE Medical Center mahitungod liwat han covid virus.
Kadagmitan nga gin lubong an mag bugto mahitungod kay amo man ini iton patakaran han Departnment of Health ha mga payente han covid ngan nag kakamatay.
