Para kan Tacloban City Vice Mayor Jerry “Sambo” Yaokasin dapat tagan hin Emergency Shelter Assistance an mga biktima han bagyo Ursula nga nagub-an hin mga panimalay ngan deri la uboson an calamity fund han siyudad pamalit hin mga relief goods.
Sumala kan Yaokasin nga mayda porlominos 21 million nga pundo nga tikang han quick response fund an puede gamiton para han mga biktima han kalamidad kahuman nga edeklara han Sangunian Panlungsod an state of calamity durante han guin dumara nga special session hadton naglabay nga adlaw han Byernes.
Usa liwat nga panuyo han deklarasyon han state of Calamity nga masiguro nga ma bantayan an pag hitaas han presyo han mga papliton sugad han mga contruction materials,medisina ngan an mga basic commodities han mga singabot nga mga negosyante dugang pa ni Yaokasin.
Agud masiguro nga ha mga importante la nga kagarastusan ginamit an calamity fund, kinahanglan nga mag hatag hin report an mga hintu-inan han siyudad ha Sangunian Panglunsod kahuman gudla hiton pag dumara han relief operation sumala pa kan Yaokasin.
