Igo hin bala ha nawong an kinamatay han usa nga sundalo human nga ma pusil han iya kaupod pag check-in nga babaye ha usa nga hotel ha Catbalogan City.
sumala han spot report han Catbalogan City Police Office, nakilala an sundalo nga hi PFC Camelo Batoctoy 31 years old may asawa ngan mimero han 8th Infantry Division Band ngan nag uukoy ha Camp Lukban barangay Maulong Catbalogan city. samtang an suspect in nakilala nga hi Sheila Dela Cruz 18 years old daraga ngan waray trabaho nga nag uukoy ha Hinabangan Samar.
Guin sumat han Catbalogan Pulis nga nga nagka kilala an duha ha usa nga Bar ha Catbalogan mga ala una han maagahon hadto domingo Hulyo siete, ngan nag check-in ha Fame Hotel mga banda alas tres han maagahon.
Subay han testimonya han suspect, mga banda alas sais han aga nag sarit hiya han biktima hin pag uli pero waray hiya tuguti ngan humugot han iya pusil an biktima, nag agaw hira han armas nga nguin hinungdan han ka pusil patay han sundalo.
An suspect pa mismo an nag pahibaro han hotel management han mao nga panhitabo ngan nag surrender dayon ha mga ka pulisan kahuman han insidente.
