Isumat.com/9:40AM, May 30, 2020
Hul-os na an pangandaman han syudad han Ormoc tungod han nakatalaan nga pag-abot yana nga aga (Mayo 30) hin 113 nga mga na-stranded ha Cebu dara han lockdown.
Subay han report nga nakuha han Isumat.com, ini nga grupo an tinatawag nga Locally Stranded Indivicuals (LSI) ug deri ini ha ilarum han Balik-Probinsya ngan deri gihapon OFWs. Mga Ormocanon hira nga na-abtan la han lockdown ha Cebu.
An barko han Roble Shipping kun diin sakay ini nga katawhan, in lumakat ha Cebu kagab-i ngan yana nga aga an schedule han pag-abot ha Ormoc.
Ginseguro naman han Ormoc City Government nga igpasunod an ira mga guidelines basi kalikyan an pagsarang han corona virus labi na nga damo an natapnan han kagaw ha Cebu. Antis hira sumakay han barko, iginpa-ilarum hira han Rapid Testing ug ngatanan negatibo an resulta.
Ini amo an 1st batch han mga Ormocanon nga makaka-uli tikang ha Cebu. 48 ha ira an igka-kwarentina ha usa nga hotel samtang an iba in dadad-on ha Ligtas Covid Center para han duha ka semana nga kwarentina.
Ha luyo nga bahin, tinikangan hiton Hunyo 1, bubulkason na an liquor ban ha Ormoc City. Pero ginklaro ni Mayor Richard Gomez nga an pag-inom in deri puede ha pampubliko nga lugar. # (KEVIN SIOSANA)
