Hasta yana waray la gihap kuryente it mga lugar nga na sasakopan han Don Orestes Romualdez Electric Cooperative) DORELCO (Buraen, Dagami, Dulag, Julita, Lapaz, Mayorga, Sta. Fe, Pastrana, Tabontabon, Tolosa, Abuyog, Macarthur, Mahaplag, ngan Tanauan).
Sumala han impormasyon nga nahikay han management han DORELCO, andam na hira kumarawat hin kuryente tikang (National Grid Corporation of the Philippines) NGCP. Pero, nagka mayda problema an gin aagian hiton kuryente(NGCP), tikadto hiton mga distribution utilities sugad hiton DORELCO.
Mahitungod hini padayon la gihapon an pag-ayad nira para magka mayda na hin kuryente an nasasakopan nga mga bungto han mao nga kooperatiba.
kanina han aga nagka mayda hin meeting hira National Electification Administration (NEA) Administrator Emmanuel Juaneza, kaupod an mga taga DORELCO ngan NGCP aud pamilngan hin pamaagi para magkasuga na an mga lugar nga ha pagka yana waray la gihapon kuryente.
waray la gudman mag hatag hin eksakto nga petsa an mga hintuinan nga mga opisyal kon san-o ngan ano nga oras maibabalik an kuryente. An NGCP, usa ito hiya na pribado na kompanya nga an panuyo paghatag serbisyo ha mga electric cooperative, upod na an DORELCO. (Guila Isabela Cinco Rona)
