Nubenta diyas anay an palalabyon san-o utro nga makag hayop hin mga baboy an mga lugar nga na apektuhan han African Swine Fever (ASF) . Ini an gin sumat ni Dr. Ernestine Ibanez han Department of Agriculture -8 ha interview han 99.1 IFM RMN Tacloban ha programa nga “Straight To the Point in Eduard Sanagan.
Sumala pa kan Dr. Ibanez nga mag lilibot anay an mga “Bio Security Officers” han Bureau of Animal Industry han Department of Agriculture agud mag dumara hin disinfection ngan environmental swabbing ha mga lugar nga nagka ada hin ASF san-o utro mag hayop hin mga ka baboyan.
Subay han mga proseso nga gin lalarang han Administrative order number 7 han Department of Agriculture nga kinahanglan anay nga mag dumara hin mahugot nga panginano an mga hintuinan ha kada barangay nga nagkaada hin mga kasos han ASF ngan pamatud-an nga waray nagud aktibo nga kaso han virus haira lugar san-o an usa nga local government unit maka aro hin “ASF free Certification” ha Department of Agriculture.
Subay han pinaka bag-o nga impormasyon nga nahikay han isumat.com mayda bag-o nga mga kaso han ASF ha mga bungto han Tabango nga Leyte,Leyte ngan sugad man ha siyudad han Ormoc.
