Nag tikang na pag irostorya an mga kapadian han singbahan romano katoliko han archdiocese han Palo han posibilidad han deri na pag sukot hin kabaraydan han mga serbisyo ngan sakramento han singbahan.
Sumala kan Father Chris Arthur H. Militante an taga pagyahan han archdiocese han Palo nga ha dire maiha nga panahon donasayon nala ngan deri na oobligahon an mga parokyano nga magbayad han mga serbisyo han singbahan.
Ha pagka yana mayda “fixed amount” nga binabayaran an mga parokyano para han pag kasal, bunyag, pag lubong han mga minatay ngan iba pa nga mga serbisyo hini.
Guin sumat ni Father Militante ha interview han RMN Tacloban nga dida han guin dumara nga retreat han mga kapadian usa ini han mga bagay nga ira na hingadayan pero waray pa klaro kon san-o ini ipapatuman.
