TACLOBAN CITY – Usa nga pulis in nahipatik nga namatay kahuman nga bumunggo an ginsasakyan hini nga motorsiklo ha usa nga bus ha Baranggay Binanalan, Sta Rita,Samar.
Ginkilala an biktima nga hi P01 Angelo Amolo, taga Calbayog City pero naka-assign ha Police Regional Office 8 ha Campetic, Palo, Leyte
Sumala kan PO3 Randy Costales, Police investigator han Sta. Rita PNP nga ginrurumbo han duha nga sarakyan an magkaiba nga direksyon.
Pa-tacloban hi PO1 Amolo samtang pakadto ha Samar an direksyon naman han mao nga bus.
Tigda naman nga nag-overtake an mao nga biktima ngan waray hini kasabti an tiabot nga billy boy nga bus.
Nahidanas pa an mao nga biktima 20metros tikang han pagkabunggo hini rasun nga gindeklara ini nga dead on the spot.
Sumala han mga katrabaho han biktima nga tisulod na unta ha iya trabaho hi PO1 Amolo ugsa nga matabo an insidente.
Kapot naman yana han Sta Rita PNP an driver han Billy boy na bus nga hi Angie Ciata, 27 anyos ngan residente han Baranggay Nabong Pinabacdao, Samar.
Samtang ha lain naman nga balita, samaran an usa nga lalaki samtang dead on the spot naman an backrider hini mahuman nga mabunggo ban ira ginsasakyan nga single nga motorsiklo ha usa nga bus ha Brgy. Bato. Paranas, Samar.
Ginkilala an namatay nga hi Ronan Abira samtang an driver naman ini amo hi Mark Gumbig, pareho residente han mao nga lugar.
Basar ha inisyal nga imbestigasyon han mga kapulisan, nahisabutan nga hubog an mga biktima.
(Photos credit to Sta. Rita PNP)
