Isumat.com/7:50AM,June 24, 2020
Kadam-an nga nagbabantay han update han DOH kasumpay han COVID-19 an napa-usa nga dida han report kagab-i mayda usa nga nagpositibo nga waray detalye kun taga diin nga lugar ha Eastern Visayas, nakabutang la tikang ha Cebu. Ngay-an pala, usa hiya nga pulis nga taga Cebu ngan yana nakadestino ha aton rehiyon.
Dida han nahikay nga impormasyon han Isumat.com, hiya an gisasyahani nga kaapi han PNP nga aanhi ha Region 8 nga nagpositibo han virus. Nagpahayag an PNP nga aadto hiya yana hin Quarantine Facility ngan maupay an kahimtang han panlawas.
Ginpapanginano pa yana kun hin-o an nakatapon o diin nga lugar katapni han kagaw ini nga PNP personnel.
Tobtob kakulop (HUnyo 23) 516 na nga PNP member an natapnan han virus ha bug-os nga Pilipinas, 294 an naka-recover ngan 9 an namatay.
Pira pala ka adlaw an nakalabay, an PNP-Region 8 in nagpadara hin sobra 50 nga kapulisan ngadto ha Cebu basi umayuda pag-implementar han lockdown didto han nasabi nga lugar. #
