Isumat.com/ 8:48AM, May 11, 2020
Libre na ha corona virus an Probinsya han Leyte ngan makakagiruginhawa hin maupay an mga katawhan hapagkayana.
Ini in dara kay nag negatibo na liwat an ikaduha nga sample ni Patient #7 nga taga Burauen, Leyte. Ini nga pasyente amo in puede na ma discharge ha hospital pero igpapailarum pa hiya han katorse ka adlaw nga home isolation. Amo ini hiya an natapnan han syahan nga COVID Positive nga taga Burauen nga naka-recover na han sakit sobra na usa ka semana an nakalabay.
Nagpahayag an DOH nga an mga iginkahibalag nga katawhan nira ngaduha in negatibo man an mga samples ug waray na ginhuhulat nga mga resulta para hin mga Suspected Cases ha Buruaen. Nagawas nga hira gud la ngaduha an natapnan han kagaw.
An LGU-Burauen in nagpabilin ha Enhanced Community Quarantine dara han duha nga Positive Cases ha ira bungto. Duha gihapon nga barangay an iginpatuman an Total Lockdown.
Ha atubangan hini, padayon an panawagan han DOH nga maghirot gudla gihapon kontra han virus bisan pa man kun yana nga mga panahon COVID-Free an Leyte.
Damo naman nga residente han lalawigan an nagpabati hin pagkabaraka nga bangin magin temporaryo la ini nga COVID-Free an Leyte dara han nakatalaan nga panguli hin mga katawhan tikang ha Metro Manila nga waray makabalik dara han lockdown. May nahahadlok nga dida hiton mangunguli, posible may natapnan han makamaratay nga kagaw. # (KEVIN SIOSANA)
