Isumat.com/Hulyo 22, 2021
Usa nga preso ha Leyte Provincial Jail an gintotoohan nagpakamatay ha sulod mismo han iya selda hadin nakalabay nga adlaw.
Dida han report nga nahikay han Isumat.com, ginkilala an biktima nga hi Felicisimo Lazar, may igo nga pangidaron nga nasentensyahan hin kapresuhan ha bug-os nga kinabuhi tungod hin kaso nga rape.
Hinsabutan gihapon nga labot la han ginseserbihan niya nga sentensya, mayda liwat bag-o nga kaso kontra ha iya nga frustrated homicide.
Iginpahayag han gwardya nga nag-uusaan la didto han selda an biktima kay gin-isolate hiya tungod kay gin-iinubo. Iginpahayag pa han gwardya nga waray niya makit-i nga nakagawas han selda an preso.
Ira nala nadiskubre nga nag suicide na an biktima ha iya selda pinaagi han pagbitay han iya kalugaringon. Ha panginano han mga personales han karsel, waray nira nakita nga kasamdan ha lawas han biktima. Nadara pa hiya ha hospital, pero gindeklarar nga dead on arrival.
Usa han ginkikita-kita nga posible rason han pagpakamatay han biktima amo an personal nga problema tungod han iya mga kaso. #
